Hallelujah

येशू धन्यबाद

किन सोध्छौ मलाई कहाँ दुख्छ घाउ भनेर,
म भित्र नखोज कस्तो हुन्छ पिडा भनेर ।
बिर्सीसकें मैले त,बर्षौ भयो छुट्टिएको,
अहँ, म जान्दिन कस्तो हुन्छ चोट भनेर ।
जान्नै मन छ ? जाउ गएर सोध येशूलाई,
उनलाई सबका सब थाहा छ, किनकि;

बोकेका छन् उनले सबै चोटहरु मेरा,
चिन्ता अनि बोझहरु हटाएर सारा ।
क्रुसमा उनि चढे, जुवा भाँचियो मेरो,
मेरै लागि बगाइदिए रगतका धारा ।

अब मलाई के पत्तो ? कस्तो हुन्छ चोट भनेर ? हैन र ?

येशू धन्यबाद ††
                                         

 तिम्रोलागि 

 तिमीले सह्यौ कोर्राको चोट,मेरो लागि
मैले सहनु परेन तिम्रोलागि ।
तिमीले बोक्यौ पापको भारि, मेरो लागि
मैले बोक्नु परेन तिम्रोलागि ।
तिमीले लगायौ कांडाको मुकुट, मेरो लागि
मैले लगाउनु परेन तिम्रोलागि ।
तिमिले सह्यौ गिल्ला थुक अनि निन्दा, मेरो लागि
मैले सहनु परेन तिम्रोलागि ।
तिमीले भोग्यौ क्रूसको बन्धन, मेरो लागि
मैले भोग्नु परेन तिम्रोलागि ।
तिमीले बगायौ अन्तिम थोपा रगतपनि, मेरो लागि
मैले एकथोपा बगाउनु परेन तिम्रोलागि ।

यी सबै गर्यौ तिमीले,मेरो लागि,
मैले के गरौँ प्रभु तिम्रोलागि ?

आजको दिन मैले यो निर्णय गर्दैछु प्रभु तिम्रो लागि ।
तिमि क्रुसमा मर्यौ मेरो लागि, म संसारमा बांच्नेछु तिम्रो लागि ।

जसरि धर्मशास्त्रमा लेखिएको छ,
"उहाँ सबैका निम्ति मर्नुभयो, ताकि बाँच्नेहरु
अब उसो आफ्नै निम्ति बाँच्ने होइन,तर उहाँको
निम्ति बाँचुन, जो तिनीहरुका खातिर मर्नुभयो, र फेरी जीवित पारि उठाइनुभयो ।" २ कोरिन्थी ५: १६



तपाइँ, जो यो संदेश पढ्दै हुनुहुन्छ,

येशू मर्नुभयो तपाइंको लागि , अब तपाईं नबाँच्ने उहाँको लागि ? 
                                                                                                                          -Jagadish Pokharel